الخميس، 7 أغسطس، 2008

شو لزيز ..... شو كسماتها حلوين ؟؟




اخر صرعه بهالبلد والله اخر صرعه


كنا بمصيبه وصرنا بمصيبه لو فقدنا معظم البيوت الفلسطينيه الساعه عشره باليل او اربعه العصر لوجدناها بيوت هادئه محدش عم بيطلع صوت محدش عم بيطلع حس الشخص الوحيد الي بيحكي هوه تلفزيون العيله الكل بدو يتفرج الكل بده يسمع والي بيحكي كلمه احسنله يسكت لانو راح ياكل بهدله

ليش ؟؟؟؟

اسكت بدنا نحضر المسلسل

اذا في د دق جرس البيت على العشره فش حد بيرد ليش ؟؟

مش فاضين بنحدر نور مسلسل الشعب العربي

ووقت الاعلان بنقدر نقوم ركد بنقضي حاجاتنا من كاسه عصير او شيبس او تسالي عشين نتفرج وناكل او يمكن الدعايه حلوه بنكون حاتين الاغراض عنا ومحضرينا بقبل ربع ساعه زي الي مسافر ... والله هادا بثبت علينا التهمه انو احنا سلامه اتسلم

بتسال الصبايا شو رايكم بمهند ؟؟

الجواب يييييي كتير لزيز وشب حلو وبيجنن امور ياي الله يرزقني بواحد متلو

بنسال الحجات ليش يا حجه بتحدري المسلسل ؟؟

بحكولك والله بتسلى فش اشي احدروا بتسلى مع هالصبايا

الصبايا بيحبو مهند والحجه شلكها بتحب فكري بس مستحيه تحكي لانها صارت كبيره على هيك اشياء طبعا لو نزلت الشارع النابلسي خصوصا الساعه عشره حنلاقي الشوارع فاضيه او مهجوره حتى القطه اللي بالشارع راحت تحدر مسلسل نور

هلا بدنا نسال راي الشباب ببانا ونور ودانه ؟؟

شو يا شباب رايكم بنور ؟؟

الشباب والله بانا كسماتها حلوين ونور زاكيه واموره وكربوجه ودانه ما ازكاها بتجنن

انا برايي ولا وحده منهم عليها العين

وطبعا في شغله الناس ما سالو فيها وهي كل التركيز على العلاقه الغير مشروعه ليش ؟؟

لهدرجه الناس مكبوتين ؟؟

انا بصراحه برضو مرات بحدر المسلسل بس بصراحه مش عارفه شو اللي بجذب الناس الو مش عارفه ازا غريبه ولالا بس قبل ما اخلص عندي ملاحظه هامه

اذا بدك صحابك يحبوك وجابو سيره المسلسل قلهم المسلسل حلو كتير وبتدرو ولا تتصل باي وقت بدايته او نهايته للمسلسل ولا تزورو حد وقت المسلسل لانو بتكون تقيل دم لانك بتقطعهم عن المسلسل وهيك بتصير شخص مكروه اما اذا اتبعت الملاحظات فالاغلب انك تكون شخص مو معقد ومنفتح اما اذا خالفت الملاحظات رح تصير شخص منبوذ ومقعد وييييي كتير غليظ ودمك تقيل

ما عندي كلام كفايه اكمل المقال لانو ازا بدي احكي كل الكلام الي ببالي بجوز اخبص



والله يهدي الجميع يارب
وهيدا الموضوع من مجله
فلسطين والشباب حبيت اعرضها
هون بطريقتي

هناك 26 تعليقًا:

غير معرف يقول...

هههههههه

والله بجد الناس انهبلوا على نور ومهند

شو هايدا

بطلت تفهم الناس

ههههههههههههههه

بيعن الله شو بدنا نسوي في العرب

تحياتي

تيتوو

رحيـــــــــــــــــــــــل يقول...

ههههههه
اه والله يا تيتو الناس نسيو كل شي
الله بيعين
مشكور لمرورك
تحياتي
رحيل

ahmed_k يقول...

نور ايه اللي جايه تقولي عليه
أنا معرفش ايه هو المسلسل ده
هو بيتعرض علي اي قناه
يمكن اكون من معجبينه برضه
رغم أن التليفزيون عندي مش فاكر آخر مره فتحته

رحيـــــــــــــــــــــــل يقول...

مشكور لمرورك
والله انا اول واحد بشوفه ما بيحضر هل المسلسل الحمد لله الامه العربيه فيها امل هيدا لو تسال عنه اسمه مسلسل نور يعني تفاهه زي ما تحكي والناس بيحبه كتير
مشكور لمرورك
تحياتي
رحيل

عروس البحر يقول...

بصي الحقيقة انا بشوف و بتابع المسلسل
بس مش لدرجة الجنون يعني
اولا اعترف ان مهند حلو بس في احلي منه
و بعدين مهند زي الفلاح الصعيدي اللي بيكون وشه محمر و عنيه خضرة يعني عادي
بس عشان هو لابس بدلة و عامل شعره فالبنات حتموت عليه

طبيبك الخاص يقول...

السلام عليكم

اعتقد ان المسلسل بيتذاع على قناه ال ام بى سى...لكنى بصراحه مش من متابيعه
بوست جميل
تحياتى

blue-wave يقول...

سيبك من المسلسل
ونور
والمتابعين
لهجتك تجنن
بجد والله
افضلى اكتبى بيها وهاتضمنى متابعتى الدائمه
شو بتجنن ها اللهجه:))

فلسطين يقول...

مرحبا

بالاول ابارك لكِ هذه المدونة التي نجحت بسرعه .
اكتب لكِ هذا التعليق واخوتي خلفي يشاهدون هذا المسلسل .
لم تسنح الفرصة لي بان اشاهد برنامج ( الاتجاه المعاكس) الذي يذاع بنفس الوقت حيث كان موضوع تلك الحلقة الفائتة عن هذا المسلسل السخيف الذي اذهب عقل الكثير والذي افكاره متكررة كل حلقة ولا هدف منها.
وقالت لورا ابو اسعد "صوت نور بالمسلسل" وضيفة الاتجاه المعاكس: انه مسلسل فقط للتسلية ولا داعي لهذه النقاشات حوله.
للاسف اصبحت افكار التسلية لديهم افكار جادّة بالنسبة لنا.

لاحول ولاقوة الا بالله

اشكرك لهذا الاطراء ... ودمتِ بخير

مصر يا موكوسه .....يا مزارع الكوسه يقول...

انتى عارفه من كتر ما اختى مهووسه بنور ومهند دول لما بتنام بتخرف وتقعد تتكلم عنهم

مدحت محمد يقول...

انا والله مسمعتش عن المسلسل ده غير على النت بس

بس مشفتوش

رحيـــــــــــــــــــــــل يقول...

عروس البحر
بشكرك لمرورك بس شوفي
انا كتبت الموضوع دا لهدف انه الناس تبطل هبل
وكمان على قصه مهند انا ابدا ما بهتم بشكل الخارجي
ممكن انه حلو انا ما بنكر بس مش لدرجه الجنون يعني
بس شخصيته مو حلوه ابدا
مشكوره لمرورك
تحياتي
رحيل

رحيـــــــــــــــــــــــل يقول...

طبيبك الخاص
مشكور كتير لمرورك
والحمد لله انك ما بتحضره في امل هيه
في العالم
تحياتي ليك
رحيل

رحيـــــــــــــــــــــــل يقول...

بلو ويذ
بجد مشكور على المرور
احنا هيك الفلسطينين
انا فلسطينيه وبكتب بلهجتي المهم عجبك الموضوع
مشكور لمرورك الكريم
تحياتي
رحيل

رحيـــــــــــــــــــــــل يقول...

فلسطين
مشكوره كتير لتواجدك بصفحتي
والله يبارك فيكي يارب
دا الي وصلناله هلء
بايامنا هاي
الله بيعن
تحياتي ليك
رحيل

رحيـــــــــــــــــــــــل يقول...

هههههههه
بجد والله
عارفه وكتير من البنات والشباب هيك بيعملو
يعني مو اول حاله
بس لازم ننصحهم لانه هيدا
مو مسلسل تعليمي ابدا
بل بيدعو للعلاقات الغير شرعيه
مشكوره لتواجدك
تحياتي
رحيل

رحيـــــــــــــــــــــــل يقول...

مدحت محمد
مشكور لتواجدك بصفحتي
والمسلسل بيحكي عن قصه حب
والعلاقات الغير شرعيه
وهيدا كل المحور تبعه
مشكور لمرورك
تحياتي
رحيل

aliaawwe يقول...

فعلا عندك حق مسلسل نور بقى مرض عند كل الناس زى انفلونزا الطيور
بس السبب الرئيسى ورا نجاخه وسامه البطل و الرومانسيه اللى بعد الجواز فى المسلسل و اللى مستحيل تحصل فى الحقيقه
اهى هياخد المسلسل و قته و هينتهى زى غيره

رحيـــــــــــــــــــــــل يقول...

مشكور كتير اخي لمرورك الكريم
بجد اسعدني تواجدك
وكلامك صحيح
تحياتي
رحيل

الحياه يقول...

رحيل
السلام عليكم
بجد مدونتك جميله قوى
وعلى فكره لهجتك كمان اجمل
وبالنسبه للمسلسل
الحقيقه مش متابعه ولا هتابعه

تحياتى اختى الكريمه

رحــــيـل يقول...

رحيل

اهلا بيكى وباهل فلسطين كلهم

انا عن نفسى ولا عمرى شفت المسلسل ده خالص

ولا اعرف عنه غير من على النت من المدونات

هيام صاحبتى من لبيا هى متابعاه انا عرفته منها

ربنا يهدى يارب

عبــــــــــث يقول...

رحيــــل

شو لزيز هالموضوع

والله العالم صارت مسخرة واحنا بآخر وقت اذا عشان نور ومهند بتتأجل الصلاة معناها علينا العوض ومنا العوض

أكلت هواااااااااااا

ناس تافهة وفارغة ولا عمرها عرفت شو يعني الحياة

لو بدي احكي عن هالموضوع ما بخلص

تحياتي

عبث

رحيـــــــــــــــــــــــل يقول...

مشكوره كتير عبث
لمرورك الرائع
وكلامك اكيد جواهر
تحياتي
رحيل

رحيـــــــــــــــــــــــل يقول...

الحياه
بجد مشكوره لتواجدك
وشكرا على الاطراء
تحياتاي
رحيل

رحيـــــــــــــــــــــــل يقول...

رحيل
بجد مشكوره على المرور
الكريم بجد اسعدني تواجدك
تحياتي
رحيل

غير معرف يقول...

ابرار بنت الاردن

و لله الاحسن انكوووووو تحضرو نور


سلاااااااااااااااام


باااااااااااااااااااااااي

باااااااااااااااي .

مع الف سلامه بووووووووووووسهههههههههههههه للجميييييييييع

غير معرف يقول...

ابرار.


ردووووووو علي مااااااااشي ..


وعد بااااي